काठमाडौं । प्रधानमन्त्री पुष्पकमल दहाल प्रचण्डले कांग्रेस नेता स्वर्गीय प्रदिप गिरिको नाममा बाटो र अस्पताल निमार्णलाई अगाडि बढाउँने प्रतिबद्धता जनाएका छन् ।

प्रदिप गिरिको पहिलो वार्षिक स्मृति दिवसको उपलक्ष्यमा आयोजित कार्यक्रममा उनले सिराहा जिल्लाको लहान नगरपालिकामा स्वर्गीय गिरिको नाममा अस्पताल र बाटो बनाउने प्रतिबद्धता जनाएका हुन् । ७० को निर्वाचनमा सिराहाले जिताएर नै आफू दोस्रो पटक प्रधानमन्त्री बनेको भन्दै त्यसको गुन तिर्नको लागि लहान नगरपालिकामा बाटो र हस्पिटल निमार्ण गर्ने उनले भनाई छ ।

उनले भने, ‘लहान नगरपालिकाका मेयरले लहानमा प्रदिप गिरिको नाममा बाटो र हस्पिटलको कुरा गर्नु भएको छ म त्यसलाई अगाडि बढाउँने प्रतिबद्धता गर्न चहान्छु । सिराहा जिल्ला र लहान मेरो लागि अपरिचित छैन् । मलाई ७० को निर्वाचनमा सिराहाले जिताएर नै म दोस्रो पटक प्रधानमन्त्री बन्ने अवसर प्राप्त भयो तपाईहरुले लगाएको गुन मैले तिर्न सकेको छैन् । यो पटक मैले त्यो गुन तिर्नु पर्छ भन्ने लागेको छ र तपाईहरुले दिनु भएको ज्ञापन पत्रलाई गम्भीर तरिकाले लिने छु ।’

यस्तै, उनले प्रदिप गिरिको अभाव सबैलाई खड्किएकै भन्दै उनको विचार र चिन्तनको मौलिकता दुर्भल भएको बताए ।उनले भने, ‘प्रदिप गिरि नेपालको राजनीतिक र सामाजिक रुपान्तरण अभियानका एउटा मौलिक चिन्तनका धनी हुनुहुन्थ्यो । उनको तुलना अरुसँग गर्न कठिन छ । उनको दार्शनिक, समाजवादी, राजनीतिक विश्लेषण र त्यसलाई हेर्ने मौलिक दुष्टिकोण थियो त्यसकारण उनलाई सबैले सम्मान र विश्वास गरेका थिए । प्रदिप गिरिको अभाव सबैलाई खड्किएकै छ र उनको विचार, चिन्तनको मौलिकता र सबैप्रतिको सहज सहकार्य दुर्भल छन् । सबैलाई विचार र चिन्तनमा उहाँ अमर रहि रहनेछ ।’

मिती : २२ भाद्र २०८०, शुक्रबार १८:३१ बजे प्रकाशित