काठमाडौं । धरान उपमहानगरपालिकाले पनि विवादित भारतीय चलचित्र ‘आदिपुरुष’को प्रदर्शनमा रोक लगाएको छ । उपमहानगरपालिकाका मेयर हर्क साम्पाङले सामाजिक संजालमार्फत आदिपुरुषको प्रदर्शन नगर्न आग्रह गरेका हुन् ।
उनले लेखेका छन्, ‘धरानमा आदिपुरुषको प्रदर्शन नगर्नु होला ’ जय देश !’ यसअघि काठमाडौं महानगरपालिका र पोखरा महानगरपालिकाले पनि आदिपुरूषसहित सबै भारतीय चलचित्र प्रदर्शनमा रोक लगाएका छन् ।
आदिपुरुषमा समावेश जानकी भारतकी छोरी हुन् भन्ने शब्दावली नसच्चिएसम्म काठमााडौं र पोखरा महानगरपालिकाले चलचित्र हलमा अन्य कुनै पनि भारतीय फिल्म प्रसारण गर्न रोक लगाएका हुन् ।
