काठमाडौं । डिप्रोक्स लघुवित्त वित्तीय संस्थाले आदर्श लघुवित्त वित्तीय संस्थालाई प्राप्ति गर्न नेपाल राष्ट्र बैंकबाट अन्तिम स्वीकृति प्रदान गरेको छ । राष्ट्र बैंकले बुधबार (जेठ ३ गते) पत्र पठाउँदै डिप्रोक्स लघुवित्तलाई आदर्श लघुवित्त प्राप्ति गर्न अन्तिम स्वीकृति प्रदान गरेको हो ।
यी दुवै कम्पनी गत फागुन ३० गते बसेको वार्षिक साधारणसभाले प्राप्ति प्रक्रियालाई स्वीकृत गरेको थियो । यी दुबैको सभाले डिप्रोक्स लघुवित्तले आदर्श लघुवित्तलाई १:१ सेयर स्वाप अनुपातमा प्राप्त गर्ने भएको हो ।
प्राप्ति प्रक्रिया पूरा गरी डिप्रोक्स लघुवित्त वित्तीय संस्थाको नामबाट एकीकृत कारोबार सुरु गर्ने दुवै कम्पनीबीच सहमति भएको छ । अब यी दुवै कम्पनीले आवश्यक प्रक्रिया पुरा गरेरपछि एकिकृत कारोबार शुरु गर्नेछन् ।
दुवै संस्था एक भएपछि लघुवित्तको चुक्ता पूँजी एक अर्ब ५५ करोड १० लाख रुपैयाँ पुग्ने छ । नेपाल राष्ट्र बैंकले स्वीकृत गरेपछि एकिकृत कारोबार हुने छ ।
अर्थ सन्जाल