कामना सेवा विकास बैंकको प्रमुख कार्यकारी अधिकृत (सीईओ) मा दिनेश थकाली नियुक्त हुने भएका छन् । प्रभु बैंकको चिफ बिजनेश अफिसर (सीबीओ) रहेका थकाली कामना सेवाको सीईओ बन्ने भएका हुन् ।
चार्टर्ड एकाउण्टेण्ट थकाली ३२ वर्षको उमेरमै तत्कालिन सांग्रिला डेभलपमेन्ट बैंकको प्रमुख कार्यकारी अधिकृत भएका थिए ।
साग्रिला डेभलपमेन्टपछि थकाली प्रभु बैंकको प्रमुख सञ्चालन अधिकृतमा प्रवेश गरेका थिए ।
थकाली नेपाल चार्टर्ड एकाउण्टेण्ट्स संघका पूर्वमहासचिव समेत हुन् । उनले लण्डन स्कूल अफ इकोनोमिक्स लण्डन, विश्व बैंक वासिङ्गटन, एआइटी थाइल्याण्ड, फिच्ट लर्निङ्ग सिंगापुर लगायतका प्रतिष्ठित संस्थाहरुबाट बैंकिङ्ग तथा व्यवस्थापन सम्बन्धि विभिन्न विधामा अध्ययन तथा तालिम लिएका छन् ।
त्रिभुवन विश्व विद्यालयबाट व्यवस्थापनमा स्नातकोत्तर तथा कानूनमा स्नातकको अध्ययन पूरा गरेका थकालीले सांग्रिलाबाट म्यानेजमेण्ट ट्रेनीको रुपमा बैकिङ करियर शुरु गरेका थिए ।
यस बिषयमा थकालीले आफु कामना विकास बैंकमा जान लागेको बिषय सत्य रहेको र त्यसका लागि प्रभु बैंकबाट राजीनामा समेत दिइसकेको बताए । तर बैंकबाट भने राजीनामा स्वीकृत हुन बाँकी रहेको थकालीको भनाई छ ।
अर्थ सन्जाल