साताको पहिलो कारोबार दिन आइतबार सेयर बजार दोहोरो अंकले घटेको छ । आज नेप्से २८.३१ अंकले घटेर १८३८.४८ बिन्दुमा पुगेको छ ।

त्यसैगरी, ठूला तथा बलिया कम्पनीको मापन गर्ने सेन्सेटिभ परिसूचक पनि ४.२४ अंकले घटेर ३४८.७९ बिन्दुमा पुगेको छ ।

कारोबार अवधिभर २६८ कम्पनीको ३८ लाख ४३ हजार ७१३ कित्ता सेयर किनबेच भएको छ । यसदिन एक अर्ब १५ करोड ९४ लाख ४८ हजार ४११ रुपैयाँमा कारोबार भएको छ।

कुल १३ वटै उपसमूहको सेयर मूल्यमा राताम्मे भएका छन्। आज कारोबार भएका कम्पनीमध्ये १५ वटा कम्पनीको सेयरमूल्य बढेको छ भने २०१ वटा कम्पनीको सेयरमूल्य घटेको छ ।

मिती : २६ चैत्र २०७९, आईतवार १५:२० बजे प्रकाशित