इलेक्ट्रोनिक्स ब्राण्ड बेकोले नयाँ वर्ष २०८० लाई लक्षित गर्दै ‘नयाँ वर्षको उमंग, मनाऔं बेकोसँग’ नामक योजना सार्वजनिक गरेको छ ।

उक्त योजनाअन्तर्गत बेको ब्राण्डका कुनै पनि सामानको खरिदमा आकर्षक उपहारहरु प्राप्त गर्न सकिने कम्पनीले जनाएको छ । जसअनुसार वाशिङ मेसिन र वाशर ड्राएरको खरिदमा ६ केजीको एरिएल म्याटिक वाशिङ पाउडर उपहार पाइन्छ । त्यसैगरी, डिशवासरको खरिदमा २ प्याकेट फोर्चुन डिशवासर ट्याब्लेट उपहार पाइने कम्पनीले जनाएकाे छ ।

सिंगल डोर रेफ्रिजेरेटरमा आइरन, डबल डोर रेफ्रिजेरेटरमा राइस कुकर र मल्टिडोर रेफ्रिजेरेटरमा एअर फ्राएर उपहार पाइन्छ भने कूकिङ रेन्ज (फ्री स्टान्डिङ ओवन)को खरिदमा फ्राइ प्यान र एअर कन्डिसनर को खरिदमा ४ हजार रूपैयाँ बराबरको फ्री इन्स्टलेसन पाइन्छ । याे योजना यही चैत १५ देखि सीमित अवधिका लागि लागू गरिएको जनाइएकाे छ ।

बेको ब्राण्डको आधिकारिक बिक्रेता चौधरी ग्रुपको सीजी इलेक्ट्रोनिक्सअन्तर्गत सीजी इओएल रहेको छ । सीजी इलेक्ट्रोनिक्सले सम्पूर्ण ग्राहकहरुलाई सीजी डिजिटल शोरुम तथा आफ्नो विक्रेता सञ्जालमार्फत सेवा र अनुभव प्रदान गरिरहेको छ ।

कम्पनीका सीजी डिजिटल शोरुमहरु काठमाडौंभित्र टंगाल, कुमारीपाटी, भक्तपुर राधेराधे, गठ्ठाघर, कीर्तिपुर, रविभवन, हात्तीगौंडा, त्रिपुरेश्वर, नयाँ बजार, बसुन्धारा, जोरपाटी र काठमाडौंबाहिर पोखरा, इटहरी, हेटौंडा, भरतपुरमा रहेका छन् ।

मिती : २० चैत्र २०७९, सोमबार १३:२७ बजे प्रकाशित