महुली लघुवित्त वित्तीय संस्था लिमिटेडले १० औँ वार्षिक साधारणभा आह्वान गरेको छ। संस्थाको मंगलबार (चैत १४ गते) बसेको सञ्चालक समितिको बैठकले गरेको निर्णयानुसार उक्त सभा आउँदो वैशाख ९ गते सप्तरीको महुलीस्थित संस्थाको केन्द्रीय कार्यालयमा बिहान ११ बजेबाट सुरु हुनेछ।
सभाले आर्थिक वर्ष २०७८–७९का लागि प्रस्तावित चुक्तापुँजीको १४.२५ प्रतिशत बोनस सेयर र कर प्रयोजनार्थ ०.७५ प्रतिशत नगद लाभांश गरी कुल १५ प्रतिशत लाभांश प्रस्ताव पारित गर्नेछ । नेपाल राष्ट्र बैंकको निर्देशन संस्थाले घटाएर यो लाभांश प्रस्ताव गरेको छ। यसअघि संस्थाले २० प्रतिशत बोनस सेयर र ५ प्रतिशत नगद गरी कुल २५ प्रतिशत लाभांश प्रस्ताव गरेको थियो।
सभाले संस्थाले प्रिमियममा एफपीओ जारी गर्ने प्रस्ताव पनि पारित गर्नेछ। सभाले उक्त आर्थिक वर्षको वार्षिक तथा लेखापरीक्षकको प्रतिवेदन पनि स्वीकृत गर्नेछ।
लाभांश र वार्षिक साधारणसभा प्रयोजनार्थ संस्थाले चैत २९ गते बुक क्लोज गर्ने निर्णय गरेको छ। यसको अर्थ चैत २८ गतेसम्म कायम सेयरधनीहरुमात्रै यो लघुवित्तको लाभांश पाउन र सभामा भाग लिन योग्य हुनेछन्।
