मंगलबार कारोबार खुलेको आधा घण्टा नबित्दै २ कम्पनीको सेयर मूल्यमा सकारात्मक सर्किट लागेको छ । आँधीखोला लघुवित्त र सृजनशील लघुवित्तको सेयर मूल्य १० प्रतिशतले बढेको हो ।

आँधीखोला लघुवित्तको सेयर मूल्य १० प्रतिशतले बढेर १५०७ रुपैयाँ पुगेको छ । त्यस्तै, श्रीजनशील लघुवित्तको सेयर मूल्य पनि १० प्रतिशतले नै बढेर ९९६.६० पुगेको छ । श्रीजनशील लघुवित्त वित्तीय संस्थाको सेयर कारोबार भने आज (पुस ५ गते) बाट सुरु भएको हो ।मंगलबार प्रि ओपन सेसनमासंस्थाको पहिलो कारोबार प्रतिकित्ता ९०६ रुपैयाँमा खुला भएको हो ।

एकपछि अर्को लघुवित्तले धमाधम लाभांश घोषणा गरिरहेको अवस्थामा लघुवित्तप्रति लगानीकर्ता आकर्षित छन् । सेयर बजारमा विशेष गरी लगानीकर्ताले लघुवित्तलाई हट केकको रुपमा लिने गरेका छन् । राम्रो प्रतिफलको अपेक्षाले पनि उक्त कम्पनीको सेयरमा लगानीकर्ता आकर्षित भएको अनुमान लगाउन सकिन्छ ।

यो समाचार तयार पार्दासम्म भने नेप्सेमा झिनो अंकको वृद्धि छ । नेप्से २.१० अंकले बढेर १८६१ बिन्दुमा पुगेको छ ।

मिती : ५ पुष २०७९, मंगलवार ११:४० बजे प्रकाशित