काठमाडौँ । नेपाली काँग्रेस महामन्त्री गगन थापाले बुधवारसम्ममा संसदीय दलको नेता चयन हुने बताएका छन्।
शेरबहादुर देउवाले बालुवाटारमा नवनिर्वाचित सांसदका लागि आयोजना गरेको चियापान कार्यक्रममा उनले भोलि ३ बजे काँग्रेस कार्यसम्पादन समिति बैठक बोलाइएको र भोलि नै निर्वाचन समिति बन्ने बताए ।
संसदीय दलको नेतामा को लड्ने भन्ने विषय नितान्त काँग्रेसभित्रको कुरा भएको नेता शेखर कोइरालाले प्रतिक्रिया दिएका छन्। प्रमुख दल काँग्रेसभित्र संसदीय दलको नेताका लागि आधा दर्जन नेता आकाङ्क्षी छन् ।
काँग्रेस संस्थापन पक्षले सभापति शेरबहादुर देउवालाई संसदीय दलको नेताका रूपमा अगाडि सारेको छ भने संस्थापनइतर समूहको आधिकारिक उम्मेदवारबारे आकाङ्क्षीबिच सहमति बनिसकेको छैन । जसमा कोइराला र महामन्त्री थापा आकाङ्क्षी छन् ।
Artha Sanjal
अर्थ सन्जाल