प्रभु लाइफइन्स्योरेन्स लिमिटेड छैटौं वर्षमा प्रवेश गरेको छ । कम्पनी आज (मंसिर २८ गते बुधबार)बाट पाँच वर्ष पूरा गरी छैटौं वर्षमा प्रवेश गरको हो । कम्पनीले विभिन्न कार्यक्रमको आयोजना गरी वार्षिकोत्सव मनाएको छ । यसै उत्सव पारेर कम्पनीले वार्षिक रुपमा संचालित संस्थागत सामाजिक उत्तरदायित्वअन्तर्गत यो वर्ष पनि निम्नआयस्तर भएका अभिभावकका बालबालिकाहरुको उज्वल भविष्य(शिक्षा)का लागि यथासक्य योगदान गर्ने कार्यक्रममा सहयोग गरेको छ ।

उल्लेखित उद्देश्यअन्तर्गत कम्पनीले नेपालका ७७ जिल्लाभरी कूल ८४ विद्यालय संचालन गरिरहेका गैर नाफामूलक गरैसरकारी संस्था समता शैक्षिक गुठीलार्ई रु. पाँचलाख रकम सहयोग प्रदान गरेको छ । समता शैक्षिक गुठी अन्तर्गतको समता विद्यालय, जोरपाटीमा २०७९ मंसिर २८ गते बुधबार एक कार्यक्रमबीच उक्त गुठीका कार्यकारी निर्देशक दिपक संजेल, विद्यालयका प्राचार्य अजय अधिकारी (सुशील), शिक्षक शिक्षिका, विद्यार्थीहरु तथा अन्य कर्मचारीहरुको उपस्थितिमा कम्पनीका प्रमुख कार्यकारी अधिकृत सन्तोष प्रसाईले सहयोग रकम हस्तान्तरण गरे ।

कार्यक्रममा कम्पनीका नायव प्रमुखकार्यकारी अधिकृत किशोर प्रसाद लामिछाने लगायत व्यवस्थापकहरुको उपस्थिति थियो । गतवर्ष पनि कम्पनीले यसै गैर नाफामुलक गरैसरकारी संस्था समता शैक्षिक गुठीलार्ई रु. पाँचलाख रकम सहयोग प्रदान गरेको थियो । यस गुठीले संचालन गरेको शैक्षिक संस्थाहरुमा न्यूनतम रकम (मासिक रु.१००) मै गुणस्तरिय शिक्षा प्रदान गर्दै आएको र सो संस्थालाई आर्थिक अभाव रहेको आसयपत्रका आधारमा प्रभु लाइफइन्स्योरेन्सले आर्थिक सहयोगलाई निरन्तरता दिएको कम्पनीका प्रमुख कार्यकारी अधिकृत सन्तोष प्रसाईले बताए ।

न्यूनआय भएका अभिभावकका बालबालिकालाई अतिन्यून रकममा गुणस्तरिय शिक्षा प्रदान गर्न समता शैक्षिक गुठीले गरेको कार्यलाई सबै क्षेत्रबाट साथ सहयोगको आवश्यकता रहेको गुठी संचालक सदस्य दिपक संजेलले बताए ।

मिती : २८ मंसिर २०७९, बुधबार १८:०७ बजे प्रकाशित