आज देशभर ९१५ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयका अनुसार ६ हजार दुई जनाको स्वाब परीक्षण गर्दा ९१५ जनामा कोरोना पुष्टि भएको हो । आज कोरोनाबाट थप २ जनाको ज्यान गएको छ ।
आज तीन हजार ९१ जनाको पीसीआर परीक्षण गर्दा ५९० जनामा र दुई हजार ९११ जनाको एन्टिजन परीक्षण गर्दा ३२५ जनामा कोरोना देखिएको छ ।
त्यस्तै, पछिल्लो २४ घण्टामा ३०१ जना निको भएका छन् । यससँगै सक्रिय संक्रमितको संख्या पनि पाँच हजार ४३३ पुगेको छ । केही सातायता संक्रमण दर बढ्दै गएको स्वास्थ्य मन्त्रालयका प्रवक्ता डा.समीरकुमार अधिकारीले बताए । उनको अनुसार, गत साता १२ प्रतिशत रहेको संक्रमण दर आज १५ प्रतिशत पुगेको छ ।
