काठमाडौं । मनाङस्थित हिमलुङ हिमालमा गएको हिमपहिरोमा बेपत्ता भएकामध्ये थप चार जनाको शव फेला परेको छ । यससँगै घटनामा ज्यान गुमाउने नेपालीको संख्या ११ पुगेको छ ।
नेपाल नेसनल माउन्टेन गाइड एसोसिएसनका अनुसार बिहीबार पासाङकाजी शेर्पाको नेतृत्वमा खटिएको अनुभवी माउन्टेन गाइड टोलीले खोजी तथा उद्धारका क्रममा चार शव फेला पारेको हो।
९ असोजदेखि प्रतिकूल बनेको मौसमले यस हिमालमा हिम पहिरो निम्त्याएको थियो ।
हिमलुङको आधार शिविरमा आएको हिमपहिरोमा कुल १६ जना बेपत्ता भएकोमा ११ जनाको शव भेटिएको छ । अझै पाँच जना बेपत्ता छन् ।
