काठमाडौं । नेपाली कांग्रेसका सभापति गगन थापाले वर्तमान सरकारको कार्यशैलीप्रति नागरिकमा तीन प्रकारको धारणा देखिएको बताएका छन्।
केन्द्रीय समितिको बैठकमा बोल्दै थापाले नागरिकसँगको संवादमा अनिश्चितता, हतास र आक्रोश देखिएको बताए। सभापति थापाले भने,‘केही नागरिककमा अनिश्चितता भएको पाउँछु । केही नागरिकसँग कुरा गर्दा हिजो राम्रो भएन, आज पनि भएको छैन । भोलि पनि हुन्न भने हतास भएको पाउँछु । केही नागरिकलाई आक्रोश छ ।’
त्यही कारणले प्रधानमन्त्री बालेन्द्रको दुईदिन अघिको स्टाटस र रास्वपा सभापति रवि लामिछानेको शनिबारको अभिव्यक्ति आएको सभापति थापाले आकलन गरे । नागरिकमा रहेको आक्रोशबाट कांग्रेस खुसी नभई चिन्ता लिनुपर्ने बताए ।
तत्कालीन प्रधानमन्त्री केपी शर्मा र तत्कालीन पार्टी सभापति शेरबहादुर देउवालाई नागरिक हामीसँग रिसाएको गत भाद्र ८ गते संसदमा बताएको सभापति थापाले स्मरण गराए ।
साथै, केन्द्रीय समितिको बैठकमा नागरिकले प्रतिरोध गर्नसक्ने तर्फ सचेत गराएको बताए । त्यतिबेला केन्द्रीय समितिमा भनिएको स्मरण गर्दै भने,‘जनताको बारेमा कसैले जिम्मेवारी लिनु आवश्यक छैन भनियो । नागरिक र जनताको बारेमा तिमिहरुले भनेर हुँदैन भनियो । हामीले जितेर आएका छौं भनियो ।’
२३ र २४ भदौ एकाएक नआएको बताउँदै सभापति थापाले आक्रोश एकमुष्ट अवस्था फागुन २१ गते व्यालेटमा देखिएको बताए ।
