कैलालीको धनगढी उपमहानगरपालिकाको मेयरमा स्वतन्त्र उम्मेदवार गोपाल हमालले नौ हजार मतको अग्रता बनाएका छन् ।

आज बिहानसम्म ४२ हजार २३० मत गणना हुँदा हमालले १९ हजार १४७ मत पाएका छन् । उनका निटकतम प्रतिस्पर्धी नेपाली कांग्रेसका नृपबहादुर वडले नौ हजार ५५७ मत पाएका छन् । नेकपा (एमाले)बाट मेयरका उम्मेदवार चार हजार ६६४ मत पाएका छन् ।

उपमेयरमा नेकपा (माओवादी केन्द्र) की शान्ति अधिकारीले अग्रता लिएकी छन् । उनले आठ हजार ८१५ मत पाएकी छन् भने प्रतिस्पर्धी नेकपा (एमाले) की कन्दकला रानाले आठ हजार १४१ मत पाएकी छन् । स्वतन्त्र उम्मेदवार प्रभाकर भण्डारीले पाँच हजार ३६ मत पाएका छन् ।

मिती : ६ जेष्ठ २०७९, शुक्रबार ०८:५७ बजे प्रकाशित