काठमाडौं — विश्वकप फुटबल २०२६ को सेमिफाइनल समीकरण पूरा भएको छ। आइतबार बिहान अन्तिम क्वार्टरफाइनल खेल सकिएसँगै फ्रान्स, अर्जेन्टिना, स्पेन र इङ्ग्ल्यान्डले अन्तिम चारमा स्थान सुरक्षित गरेका छन्।
फिफा विश्व वरीयताको शीर्ष चार स्थानमा रहेका यी चारै टोलीले क्वार्टरफाइनल पार गर्दै सेमिफाइनल यात्रा तय गरेका हुन्।
फ्रान्सले मोरक्कोलाई २–० ले पराजित गर्दै पहिलो सेमिफाइनल टिकट हात पारेको थियो। अर्जेन्टिनाले स्विट्जरल्यान्डलाई ३–१ ले हराउँदै अन्तिम चारमा स्थान बनायो।
यस्तै, स्पेनले बेल्जियमलाई २–१ ले पराजित गर्दा इङ्ग्ल्यान्डले नर्वेमाथि समान २–१ को जित निकाल्दै सेमिफाइनलमा स्थान पक्का गर्यो।
अब उपाधि यात्रालाई निरन्तरता दिन चारै टोलीले सेमिफाइनलमा प्रतिस्पर्धा गर्नेछन्।
