काठमाडौं । राष्ट्रिय स्वतन्त्र पार्टी (रास्वपा)ले पार्टीको केन्द्रीय पदाधिकारी संरचनामा व्यापक पुनर्संरचना गर्दै पदाधिकारी संख्या १९ सदस्यीय बनाउने निर्णय गरेको छ । पार्टी विधान संशोधनमार्फत संगठनलाई थप व्यवस्थित, जिम्मेवार र प्रभावकारी बनाउने उद्देश्यसहित यस्तो व्यवस्था गरिएको बताइएको छ ।
नयाँ व्यवस्थाअनुसार सभापति, उपसभापति, महामन्त्री, उपमहामन्त्री, प्रवक्ता तथा अन्य आवश्यक पदहरू समेटेर १९ सदस्यीय पदाधिकारी समिति रहनेछ। यससँगै पार्टीमा लामो समयदेखि योगदान दिएका नेताहरूलाई सम्मानजनक भूमिका दिन ‘वरिष्ठ नेता’ को व्यवस्था पनि विधानमै समावेश गरिएको छ।
पार्टी स्रोतका अनुसार संगठन विस्तार, प्रदेश तथा जिल्ला तहसँग समन्वय र नीति निर्माण प्रक्रियालाई सुदृढ बनाउन पदाधिकारी संख्या बढाइएको हो। रास्वपाले आगामी निर्वाचन र संगठन सुदृढीकरण अभियानलाई लक्षित गर्दै नेतृत्व संरचनामा परिमार्जन गरेको जनाएको छ ।
विधान संशोधन गर्दै एक वरिष्ठ र एक जना सहमहामन्त्री थपेर १९ सदस्यीय बनाउने निर्णय भएको हो ।
सभापति १
वरिष्ठ नेता १
उपसभापति ३ (१ महिला)
महामन्त्री २
सहमहामन्त्री ५ (१ महिला)
प्रवक्ता १
सह प्रवक्ता ३ (१ महिला)
कोषाध्यक्ष १
सहकोषाध्यक्ष २ (१ महिला)
