धनुषा। मिथिला नगरपालिका–७ ढल्केबरस्थित जनकपुर रिफाइनरीमा आगलागी भएको छ।
गए राति भएको आगलागीबाट १५ करोड रुपैयाँबराबरको क्षति भएको रिफाइनरीका प्रबन्धकले जानकारी दिए। रिफाइनरीमा जडान गरिएका स्टिम र थर्मोफुल मेसिन जलेका छन्।
आगो जनकपुर, महेन्द्रनगर र ढल्केबरबाट परिचालन भएका पाँचवटा वारुणयन्त्र तथा नेपाल प्रहरी, सशस्त्र प्रहरी बल र नेपाली सेनाको संयुक्त प्रयासमा दुई घण्टापछि निभाइएको थियो।
क्षतिको पूर्ण विवरण संकलन गर्न अझै केही दिन लाग्ने ढल्केबरस्थित इलाका प्रहरी कार्यालयका प्रहरी निरीक्षकले बताए। आगलागीको कारण खुलेको छैन।
Artha Sanjal
