काठमाडौं – सरकारले युवा उद्यमलाई प्रोत्साहित गर्न सञ्चालन गरेको स्टार्टअप कर्जा कार्यक्रमअन्तर्गत करिब १० हजार ५०० आवेदन परेको छ।
औद्योगिक व्यवसाय विकास प्रतिष्ठानका अनुसार, यीमध्ये दुई हजार बढी आवेदन भौतिक रूपमा र बाँकी विद्युतीय माध्यमबाट दर्ता भएका थिए।
सातै प्रदेशका ७७ जिल्लाबाट आएका परियोजनाको प्रारम्भिक मूल्यांकन एआई स्क्रिनिङ सफ्टवेयरमार्फत गरिएको छ।
अन्तिम चरणमा ६०० परियोजना छनोट गरी ३ प्रतिशत ब्याजदरमा बिनाधितो कर्जा उपलब्ध गराइने मन्त्रालयले जनाएको छ।
आर्थिक वर्ष २०८२/८३ का लागि यस कार्यक्रमका लागि ६६ करोड रुपैयाँ छुट्याइएको छ।
Artha Sanjal
