नेपाल राष्ट्र बैंक कर्मचारी संघको ३३ औँ स्थापना दिवसको अवसरमा नेपाल राष्ट्र बैंक विराटनगर कार्यालयको सभाहलमा प्रदेश स्तरीय अन्तर बैंक हाजिरीजवाफ प्रतियोगिता बिहीबार सम्पन्न भएको छ ।
नेपाल राष्ट्र बैंक कर्मचारी संघ विराटनगर समितिको आयोजनामा सम्पन्न प्रतियोगितामा प्रदेश नं. १ मा अवस्थित बैंक तथा वित्तीय संस्थाबाट १५ टीमको सहभागिता रहेको थियो ।
उक्त प्रतियोगितामा निर्जल घिमिरे र शोभा सिलवाल सम्मिलित नेपाल राष्ट्र बैंक प्रथम भयो भने सुरज श्रेष्ठ र गगन कुमार मण्डल सम्मिलित एभरेष्ट बैंक दोस्रो तथा संजीव कोइराला र योगेन्द्र राज खत्री सम्मिलित कृषि विकास बैंक तेस्रो भयो ।
नेपाल राष्ट्र बैंक कर्मचारी संघ विराटनगर समितिका अध्यक्ष चन्दन सिंह चौधरीको सभापतित्व तथा नेपाल राष्ट्र बैंक विराटनगरका कार्यालय प्रमुख, निर्देशक मीना पाण्डेको प्रमुख आतिथ्यतामा सम्पन्न उक्त कार्यक्रममा प्रथम, दोस्रो र तेस्रो हुने टोलीले क्रमश १० हजार, ७ हजार ५ सय र ५ हजार नगदसहित ट्रफी र मेडल प्राप्त गरेका छन् । विजयी टीमलाई सभापति, प्रमुख अतिथी तथा अतिथीहरुले पुरस्कार वितरण गर्नुभएको थियो ।
