सर्वोत्तम सिमेन्टले २० प्रतिशत लाभांश वितरण गर्ने, बोनस र नगद कति?

काठमाडाैं। सर्वोत्तम सिमेन्ट लिमिटेडले गत आर्थिक वर्षको मुनाफाबाट सेयरधनीलाई आकर्षक दरको लाभांश वितरण गर्ने प्रस्ताव गरेको छ। कात्तिक २८ गते बसेको कम्पनीको सञ्चालक समितिको २३७ औँ बैठकले आव २०८१/८२ का लागि लाभांश प्रस्ताव पारित गरेको हो।

कम्पनीले हाल कायम चुक्ता पूँजीको २० प्रतिशतका दरले लाभांश वितरण गर्ने घोषणा गरेको हो। सोमध्ये ५ प्रतिशत बोनस शेयर रहेको छ भने १५ प्रतिशत नगद लाभांश (कर प्रयोजनार्थसहित) रहेको छ।

आगामी वार्षिक साधारण सभाबाट पारित भएपश्चात सो लाभांश वितरण गरिनेछ।