काठमाडौं । काठमाडौं महानगरपालिकाले ‘सेफ फुड’ काठमाडौं अभियान सञ्चालन गर्ने भएको छ ।आइतबार प्रस्तुत आगामी आर्थिक वर्ष २०८२/०८३ को नीति तथा कार्यक्रममा मेयर बालेन्द्र शाह (बालेन)ले उक्त अभियानको घोषणा गरेका हुन् ।
उनले उपभोक्तालाई सुरक्षित, स्वच्छ र गुणस्तरीय खाद्य सामग्री सुनिश्चित गर्नका लागि महानगर सक्रिय रूपमा अघि सर्ने जना ।
‘अब काठमाडौंमा उपभोक्ताले खाँदै आएको खानेकुरा सुरक्षित छ कि छैन भनेर चिन्ता गर्नुपर्दैन,’ मेयर शाहले भने, ‘हामी ‘सेफ फुड काठमाडौं’ अभियानमार्फत बजार अनुगमन, खाद्य परिक्षण र जनचेतना अभिवृद्धि गर्नेछौं।’
यस अभियानअन्तर्गत बजारमा पाइने खाद्य वस्तुको गुणस्तर परीक्षण, होटल तथा रेष्टुरेन्टहरूको स्वच्छता मापदण्डको अनुगमन, र उपभोक्तालाई जानकारीमूलक सामग्री वितरण गरिने योजना छ ।
Artha Sanjal
