बुटवल । पूर्व गृहमन्त्री रवि लामिछानेले आफूले बोल्ने समय नजिक आउँदै गरेको प्रतिक्रिया दिएका छन् । बुटवलको सुप्रिम सहकारी ठगी मुद्दामा उच्च अदालतबाट बाहिरिँदै गर्दा लामिछानेले यसका लागि केही समय प्रतीक्षा गर्न भनेका हुन् ।
रुपन्देही जिल्ला अदालतबाट माग १ करोड रुपैयाँ धराैटी रकम धेरै भएको भन्दै पुनर्विचार गर्न माग गर्दै लामिछाने उच्च अदालत पुगेका हुन्। उक्त निवेदन दिएर श्रीमती निकातासहित बाहिरिँदै लामिछानेले आफू अहिले बोल्ने अवस्था नभएको तर बोल्ने दिन नजिकै आएको सञ्चारकर्मीलाई बताए।
उनी आजै जिल्ला अदालत रुपन्देहीमा हाजिर पनि हुँदैछन् । जिल्ला अदालत हाजिर हुन आएको बेला उनले उच्च अदालत तुलसीपुर बुटवलमा निवेदन लिएका हुन्। हिजो बुटवल आएका रवि जिल्ला अदालतमा हाजिर भएर आजै काठमाडौँ फर्कने तयारी गरेका छन्।
