काठमाडौं। एभरेष्ट बैंक लिमिटेडका कार्यकारी अधिकृत(सिइओ) सुदेश खालिङको फेक ह्याट्सएप खाता खोली दुरुपयोग गरेको पाइएको छ।
९८०६६३४५७८ मोबाइल नम्बरबाट ह्वाट्सएप खाता खोली खालिङको तस्बिर राखेर दुरुपयोग गरेको पाइएको हो । खालिङको फेक ह्वाट्सएप खाता खोलेको पाइएकाले सावधानी अपनाउन सामाजिक सञ्जालमार्फत बैंकले सजग गराएको छ ।
‘सुदेश खालिङ नाम राखेर मेरो तस्बिर दुरुपयोग गरी ह्वाट्सएप बनाएर म्यासेज पठाएको र संवादसमेत गरेको पाइएकाले यस्तो क्रियाकलाप पूर्णरूपमा गलत रहेको जानकारी गराउँदै यसप्रति सजग रहन सम्बन्धित सबै सरोकारवाला, ग्राहक महानुभावहरू र सर्वसाधारणमा अनुरोध गर्दछौ,’ सूचनामा भनिएको छ ।
केही दिन अघि राष्ट्रबैंकका गभर्नर महाप्रसाद अधिकारी र एनआईसी एसिया बैंकका कार्यकारी अधिकृत रोशन कुमार न्यौपानेको पनि फेक ह्वाट्सएप खाता खोली दुरुपयोग भएको थियो ।
Artha Sanjal
