सुर्खेत । कर्णालीमा जारी यु–१९ महिला राष्ट्रिय क्रिकेटमा सुदूरपश्चिम प्रदेशले तीन खेल जितेर उपाधी दाबेदारीलाई बलियो बनाएको छ ।
सोमबार बिहान कालुङचोक मैदानमा भएको खेलमा मधेश प्रदेशले कर्णालीविरुद्धको खेलमा नौ विकेटको फराकिलो अन्तरले जित्यो । पहिलो खेलमा कोशीमाथि रवाफिलो जीत निकालेको मधेश लगातार दोस्रो जीतसंगै महत्वपूर्ण चार अंक प्राप्त गरेको छ ।
पहिले व्याटिङ थालेको कर्णालीले चार विकेटको क्षतिमा १०३ रनको लक्ष्य दिएको थियो् । मधेसले यो लक्ष्य ९.१ ओभरमा एक विकेट गुमाएर पूरा ग¥यो । घरेलु मैदानमा कर्णालीलाई सम्मानजनक स्कोरसम्म पु¥याउन कप्तान तिर्सना विश्वकर्माले नटआउट ४९ रनको पारी खेल्दा उमा चौधरीले ३३ रन जोडेर कप्तानलाई दरिलो साथ दिइन् ।
जम्मा १ रन जोडेकी कर्णालीकी ओपनर सरिता विष्ट पहिलो ओभरमै रन आउट भएपछि दोस्रो ओभरमा अर्की ओपनर सोविता शाही साक्षी यादवको बलमा शून्यमै आउट हुन पुगिन् ।
छैठौं ओभरको खेल सकिंदा शिखा दुवाडी पनि ५ रनमा डगआउट फर्किएपछि कमजोर बनेको कर्णालीलाई तिर्सना र उमाले १०२ रनको सम्मानजनक स्कोरसम्म पु¥याए । तिर्सना र उमाले सम्हालिएर ब्याटिङ गर्दै चौथो विकेटका लागि ८६ रनको साझेदारी गरे । अर्धशतक पूरा गर्नबाट जम्मा १ रनले चुकेकी तिर्सनाले ६५ बलको सामना गर्दा ३ चौकासहित ४९ रन बनाइन् ।
अर्को छेउबाट साथ दिएकी उमाले ३३ बलमा ४ चोकासहित २९ रन जोडिन् । जवाफी ब्याटिङमा उत्रिएको मधेसका लागि ओपनरद्वय सना प्रविनले नटआउट ४४ र अलिशा यादवले ४७ रन जोड्दै आठौं ओभरसम्म साझेदारी गर्दै मधेसको जीत सुनिश्चित गरे ।
पहिलो खेलमै अर्धशतकीय पारी खेलेकी सनाले २१ बलमा ९ चौका र अलिशाले ३३ बलमा ८ चौका र एक छक्कासहित ४७ रन बटुलेर जीतको आधार तयार गरे । आक्रामक खेल्दै अर्धशतकतिर लम्किएकी अलिशालाई औठौं ओभरको चौथो बलमा कर्णालीकी समीक्षा बिसीले एलबीडब्ल्यू धरापमा पारिन् ।
वीरेन्द्रनगर मैदानमा भएको खेलमा सुदूरपश्चिमले लुम्बिनीलाई ८ विकेट पराजित गरेको छ । टस जितेर पहिला ब्याटिङ रोजेको लुम्बिनीले ओपनर अञ्जी पाठकको ७६ र आशना चौधरीको २४ रनको मद्दतमा ५ विकेट गुमाएर १४१ को स्कोर बनाएको थियो । लुम्बिनीका अरु ब्याटरले दोहोरो आँकडा छुन सकेनन् ।
३१ रन अतिरिक्त खर्चिदै कमजोर बलिङ प्रर्दशन गरेको सुदूरका लागि ओपनरहरुले नै जीतका लागि १३२ रनको साझेदारी गर्दै बलियो जग बसाले । ४५ बलको सामना गरेकी प्लयेर अफ दि म्याच सावित्री धामीले एक छक्का र ११ चौकासहित नटआउट ७६ रन बनाइन् भने दोस्रो क्रमकी करुणा विष्टले पनि चार चौकासहित ४० बलमा ४५ रन बटुलेर साथ दिइन् ।
पहिलो खेलमा पूर्वेली टोली कोशीमाथि ८९ रनको जीतसहित प्रतियोगिताको शुरुवात गरेको सुदूरपश्चिमले दोस्रो खेलमा बागमतीलाई पराजित गरेको सुदूरपश्चिम तेस्रो जीतसँगै छ अंक जोडेर शीर्षस्थानमा उल्किएको छ ।
