काठमाडौं। सोपान फर्मास्युटिकल्सको आईपीओ बाँडफाँट सम्पन्न भएको छ। सोपान फर्मास्युटिकल्सको आइपीओ बाँडफाँट बिक्री प्रबन्धक एनएमबी क्यापिटल कार्यालयमा गरिएको हो।
कम्पनीले गत वैशाख ३ गतेदेखि ८ गतेसम्म सर्वसाधारणका लागि १०० रुपैयाँ अंकित दरका कुल ३४ लाख ७४ हजार ९०० कित्ता आइपीओ बिक्री खुला गरेको थियो। यो आईपीओमा २७ लाख ६८ हजार ७४३ आवेदकबाट ३ करोड ३ लाख ६६ हजार ९५० कित्ता सेयर माग भएको थियो।
आईपीओमा २७ लाख ३० हजार ९८७ आवेदकबाट माग भएको २ करोड ९९ लाख ६ हजार ५२० कित्ता शेयर सदर भएको छ भने ३७ हजार ७५६ आवेदकबाट माग भएको ४ लाख ६० हजार ४३० कित्ता बदर भएको छ।
मागभन्दा बढी आवेदन परेकाले यो आईपीओ गोलाप्रथाबाट बाँडफाँट गरिएकोमा भाग्यमानी ३ लाख ४७ हजार ४९० आवेदकले मात्र १० कित्ताका दरले सेयर पाएका छन्।
Artha Sanjal
