५ करोडभन्दा बढी चुक्ता पुँजी भएका इन्भेष्टमेन्ट कम्पनीलाई सूचीकृत हुन धितोपत्र बोर्डको निर्देशन

काठमाडाैं। नेपाल धितोपत्र बोर्डले इन्भेष्टमेन्ट कम्पनीलाई सूचीकृत हुन निर्देशन दिएको छ। बोर्डले शुक्रबार एक सूचना जारी गर्दै मनी लाउन्डरिङ निवारण ऐन, २०६४ को दफा ७ को उपदफा २ अनुसार समन्वयन समितिको सिफारिसमा इन्भेष्टमेन्ट कम्पनीलाई सूचीकृत हुन आदेश दिएको हो।

बोर्डले ५ करोड रुपैयाँभन्दा बढी चुक्ता पुँजी भएका र १० करोड रुपैयाँ वा सोभन्दा बढी कारोबार गर्ने इन्भेष्टमेन्ट कम्पनीलाई सूचीकृत हुनका लागि आवश्यक प्रक्रिया पूरा गर्न निर्देशन दिइएको छ।

सूचीकृत हुने कम्पनीले आवश्यक कागजात, जस्तै निवेदन पत्र, संचालक समितिको विवरण, कम्पनीको प्रबन्धपत्र, दर्ता प्रमाणपत्र, लेखापरीक्षण प्रतिवेदन, र चुक्ता पुँजी विवरण पेश गर्नुपर्नेछ।