काठमाडौं । नेपाल स्टक एक्सचेञ्ज(नेप्से)मा मंगलबार माछापुच्छ्रे बैंकको बोनस सेयर सूचीकृत भएको छ । उक्त कम्पनीले गत आर्थिक वर्षको मुनाफाबाट सेयरधनीलाई वितरण गरेको १३.३० प्रतिशत लाभांश नेप्सेमा सूचीकृत भएको हो।

कम्पनीको १ करोड ३६ लाख ४२ हजार १७ कित्ता सेयर सूचीकृत भएको छ । कम्पनीको गत असोज १८ गते सम्पन्न साधारणसभाले १३.३० प्रतिशत बोनस सेयर वितरण गर्ने प्रस्ताव पारित गरेको थियो । अब उक्त सेयर लगानीकर्ताले आफ्नो डिम्याट खातामा आएपछि खरिदबिक्री गर्न सक्नेछन् ।

मिती : ५ मंसिर २०८०, मंगलवार १४:०६ बजे प्रकाशित