त्रिभुवन विमानस्थलबाट दुबईका लागि उडेको कलसाइन एफजेड ५७६ भएको जहाज उडेको केहीबेरमै समस्याग्रस्त बनेको थियो । असामान्य अवस्थाको जहाजले आकासमा केहीबेर फन्को लगाई पाइलटले उडान नियमित गर्न सकिने भनेर विमानस्थलको टासरसँग अनुमति मागेर गन्तव्यतर्फ उडेको हो ।

त्रिभुवन विमानस्थलका प्रवक्ता टेकनाथ सिटौलाका अनुसार सम्भावित दुर्घटनालाई ध्यान दिँदै विमानस्थलमा सुरक्षाका आवश्यक सबै तयारी अपनाइएको थियो । जहाजमा १६९ जना यात्रु मध्ये   १२० जना विदेशी र ४९ जना नेपाली रहेका छन् ।

नागरिक उड्यानमन्त्री सुदन किराँतीले समेत जहाज सुरक्षितसाथ गन्तव्यतिर जाँदै गरेकोले चिन्ता लिएर  आत्तिनु नपर्ने बताएका छन् ।