नेपाल इन्भेष्टमेन्ट बैंकका प्रमुख कार्यकारी अधिकृत (सीईओ) ज्योति प्रकाश पाण्डेले तीन करोड बढी तलब भत्ता बुझेका छन् । उनले गत आर्थिक वर्ष २०७८/७९ मा तलब तथा भत्ता लगायतको सुविधा वापत ३ करोड ६ लाख ३४ हजार रुपैयाँ बुझेका हुन् ।

सीईओ पाण्डेले तलब बापत १ करोड ६० लाख ७६ हजार रुपैयाँ, भत्ता १ करोड ७ लाख १७ हजार, दशंै भत्ता २२ लाख ३३ हजार र संचय कोष वापत १६ लाख ८ हजार रुपैयाँ सुविधा लिएका हुन् ।

गत आवमा बैंकका अन्य कार्यकारी पदाधिकारी तथा व्यवस्थापकहरुले भने तलब बापत १४ करोड ६ लाख २३ हजार, भत्ता १० करोड १४ लाख ९३ हजार, दशै भत्ता १ करोड ९७ लाख ९६ हजार र संचय कोष १ करोड ४० लाख ६२ हजार रुपैयाँ बुझेका छन् । बैंकमा अन्य कार्यकारी पदाधिकारी तथा व्यवस्थापकमा १३० जना रहेका छन् ।

मिती : १९ पुष २०७९, मंगलवार १३:१९ बजे प्रकाशित