अमेरिकाले प्रस्ताव गरेको स्टेट पार्टनरशिप प्रोग्राम (एसपीपी) सम्झौताबारे संसद्मा सत्ता पक्षकैसांसदहरुले प्रधानमन्त्री शेरबहादृर देउवासँग जवाफ माग गरेका छन् । नेपाली कांग्रेसका महामन्त्री एवं प्रतिनिधि सभा सदस्य गगन थापाले नेपाल कुनै पनि सैन्य साझेदारीमा सहभागी हुन नसक्ने भन्दै एसपीपीबारे प्रधानमनमन्त्रीसँग जवाफ माग माग गरेका हुन ।
बुधबार प्रतिनिधि सभा बैठकको विशेष समयमा बोल्दै थापाले भने, ‘नेपाली सेना संलग्न हुने कुनै पनि साझेदारीमा नेपाल सहभागी हुन पाउँदैन र सक्दैन । नेपाली कांग्रेस र नेपाल यस्ता प्रकृतिको सम्झौतामा सहभागी हुन सक्दैन। प्रधानमन्त्रीले आजैको संसद्मा आएर जवाफ दिन सभामुखसँग माग गर्दछु।
