काठमाडौं। सुजुकी मोटरसाइकल तथा स्कुटरको नेपालका लागि आधिकारिक वितरक भीजी अटोमोबाइल्स प्रालिले दसैं–तिहारलाई लक्षित गर्दै नयाँ पर्वीय योजना सार्वजनिक गरेको छ। कम्पनीले ‘उत्सव नयाँ, राइड नयाँ’ योजना ल्याउँदै सुजुकीका मोटरसाइकल तथा स्कुटर खरिद गर्ने ग्राहकलाई नगद छुट, एक्सचेन्ज बोनस तथा विभिन्न फाइनान्सिङ सुविधा उपलब्ध गराउने जनाएको छ।
योजनाअन्तर्गत ग्राहकले नयाँ सुजुकी मोटरसाइकल वा स्कुटर खरिद गर्दा १ लाख रुपैयाँसम्म नगद छुट वा एक्सचेन्ज बोनस प्राप्त गर्न सक्नेछन्। देशभर लागू हुने यो योजना दसैं–तिहारको अवसरमा नयाँ दुईपांग्रे सवारीसाधन खरिद गर्न चाहने ग्राहकलाई लक्षित गरी ल्याइएको कम्पनीले जनाएको छ।
नगद छुट वा एक्सचेन्ज बोनसका अतिरिक्त ग्राहकले शून्य ब्याजदरमा फाइनान्सिङ तथा ३६ महिनासम्मको कम ईएमआई सुविधासमेत लिन सक्नेछन्। कम्पनीका अनुसार शून्य ब्याज तथा कम ईएमआईको सुविधा नागरिकता भएका योग्य ग्राहकका लागि लागू हुनेछ। उक्त सुविधा लिन सम्बन्धित योजना तथा फाइनान्सिङका निर्धारित सर्तहरू पूरा गर्नुपर्नेछ।
‘उत्सव नयाँ, राइड नयाँ’ योजना सुजुकीका विभिन्न लोकप्रिय मोडलमा लागू हुने कम्पनीले जनाएको छ। योजनामा भि–स्ट्रोम २५० एसएक्स, एक्सेस १२५, एभेनिस १२५, बर्गम्यान स्ट्रिट १२५ र जिक्सर १५५ लगायतका मोटरसाइकल तथा स्कुटर समावेश छन्।
कम्पनीले चाडपर्वका समयमा ग्राहकलाई नयाँ दुईपांग्रे सवारीसाधन खरिद गर्न सहज वातावरण बनाउने उद्देश्यले योजना ल्याइएको जनाएको छ। विशेषगरी नगद छुट, पुरानो सवारीसाधनको एक्सचेन्ज तथा किस्ताबन्दी भुक्तानीका विकल्पमार्फत ग्राहकको खरिद क्षमतालाई सहज बनाउने लक्ष्य रहेको कम्पनीको भनाइ छ।
यो योजना देशभर रहेका सुजुकीका आधिकारिक डिलरमार्फत उपलब्ध हुने बताइएको छ। ग्राहकले आफूलाई पायक पर्ने आधिकारिक डिलरमा पुगेर आफूले खरिद गर्न चाहेको मोडलअनुसार उपलब्ध छुट, एक्सचेन्ज बोनस तथा फाइनान्सिङ सुविधाबारे विस्तृत जानकारी लिन सक्नेछन्।
सुजुकीले नेपाली बजारमा दैनिक आवागमनदेखि लामो दूरीको यात्रा तथा एडभेन्चर राइडिङसम्मका लागि विभिन्न सेग्मेन्टका मोटरसाइकल तथा स्कुटर बिक्री गर्दै आएको छ। फरक–फरक आवश्यकतालाई लक्षित गरी विभिन्न मोडल उपलब्ध गराउँदै आएको कम्पनीले चाडपर्वको अवसरमा नयाँ योजनामार्फत ग्राहकलाई थप सुविधा उपलब्ध गराउन खोजेको जनाएको छ।
दसैं–तिहारको खरिद मौसमलाई लक्षित गर्दै सार्वजनिक गरिएको ‘उत्सव नयाँ, राइड नयाँ’ योजनाबाट ग्राहकले आफ्नो आवश्यकता र बजेटअनुसार उपयुक्त मोडल छनोट गरी नगद छुट, एक्सचेन्ज बोनस वा फाइनान्सिङ सुविधामध्ये उपलब्ध विकल्पको लाभ लिन सक्ने कम्पनीले जनाएको छ। कम्पनीले चाडपर्व अवधिमा योजनाको सुविधा लिन इच्छुक ग्राहकलाई नजिकको आधिकारिक सुजुकी डिलरमा सम्पर्क गर्न आग्रह गरेको छ।
