काठमाडौँ । निर्वासित तिब्बती केन्द्रीय प्रशासनका प्रमुख सिकियोङ पेनपा त्सेरिङले नेपालका नवनिर्वाचित प्रधानमन्त्री बालेन्द्र (बालेन) शाहलाई बधाई तथा शुभकामना दिएका छन् । प्रमुख त्सेरिङले पठाएको बधाई सन्देशमा बालेनलाई हालसम्मकै कम उमेरका प्रधानमन्त्रीका रूपमा उदाएको उल्लेख छ ।
हालै युवा पुस्ताको नेतृत्वमा भएको आन्दोलनपछि बालेनको उदय हुनु नेपाली जनताको आकाङ्क्षाकै सशक्त प्रतीक रहेको उनले सन्देशमा उल्लेख गरेका छन् । त्यसैगरी, नेपाल र तिब्बतबिचको ऐतिहासिक तथा आध्यात्मिक सम्बन्धको चर्चा गर्दै उनले यी सम्बन्ध पुस्तौँदेखि निरन्तर रहँदै आएको बताएका छन् ।
प्रमुख त्सेरिङले प्रधानमन्त्री बालेनको सफल कार्यकालको कामना गर्दै नेपालको नेतृत्वमार्फत देश प्रगति, समृद्धि र सकारात्मक परिवर्तनको दिशामा अगाडि बढ्ने विश्वास व्यक्त गरेका छन् । उनले दुई पक्षबिचको मित्रता अझ प्रगाढ हुने अपेक्षा पनि व्यक्त गरेका छन् ।
जेनजी आन्दोलनपछि सुशीला कार्की प्रधानमन्त्रीमा नियुक्त भएपछि भारतमा निर्वासित जीवन बिताइरहेका दलाई लामाले बधाई तथा शुभकामना दिएका थिए ।
