काठमाडौं । सानिमा रिलायन्स लाइफ इन्स्योरेन्सको करिब साढे १३ लाख कित्ता सेयर बिक्रीमा राखिएको छ । कम्पनीको संस्थापक समूहको १३ लाख ४७ हजार ५८८ कित्ता सेयर बिक्रीमा राखिएको हो ।
यो सेयरमा हाललाई अन्य व्यक्ति तथा संस्थाले खरिदका लागि निवेदन पेस गर्न सक्नेछन् । यसअघि कम्पनीका विद्यमान संस्थापक शेयरधनीहरुलाई सेयर बिक्री खुला गरिएकोमा खरिदका लागि निवेदन नपरेपछि अन्य व्यक्ति तथा संस्थाका लागि सेयर बिक्री खुला गरिएको हो ।
इच्छुक लगानीकर्ताले भदौ १९ गतेसम्म सेयर खरिदका लागि निवेदन दिन सक्नेछन् । निवेदन काठमाडौंको नक्सालस्थित कम्पनीको केन्द्रीय कार्यालयमा पेस गर्न सकिनेछ ।
Artha Sanjal
