काठमाडौं । नेपाल स्टक एक्सचेन्ज (नेप्से)मा ४ वटा कम्पनीको बोनस सेयर सूचीकृत भएको छ । नागरिक लगानी कोष, जीवन विकास लघुवित्त, कालिका लघुवित्त र राधी विद्युतको बोनस सेयय सूचीकृत गरिएको नेप्सेले जनाएको छ ।
नागरिक लगानी कोषको ४२ लाख ४० हजार ३७२ कित्ता सेयर सूचीकृत भएको छ । यसले गत वर्षको नाफाबाट सेयरधनीलाई ७ प्रतिशत बोनस सेयर वितरण गरेको थियो ।
जीवन विकास लघुवित्तको १४ प्रतिशत बोनस बराबर हुन आउनेे १८ लाख ८६ हजार ५२६.४६ कित्ता सेयर सूचीकृत भएको छ ।
त्यस्तै, कालिका लघुवित्तको ९.५० प्रतिशत बोनस सेयर बराबर हुन आउने ३ लाख ५३ हजार ७०५.६५ कित्ता सेयर सूचीकरण गरिएको छ ।
यता, राधी विद्युतको ८ लाख ३३ हजार ९०४.७० कित्ता सेयर सूचीकृत भएको छ । कम्पनीले गत वर्षको नाफाबाट ४.७५ प्रतिशत बोनस सेयर दिएको थियो । सोही सेयर सूचीकरण गरिएको हो । उक्त सेयर डिम्याट खातामा जम्मा भएपछि कारोबार गर्न सकिनेछ ।
