काठमाडौं । हङकङ सिक्सेजमा नेपाल श्रीलंकासँग पराजित भएको छ । शनिबार दिउँसो मोङ कोकमा भएको क्वार्टरफाइनल खेलमा नेपाल ४० रनले पराजित भएको हो ।

टस हारेर सुरुमा ब्याटिङको निम्तो पाएको श्रीलंकाले पूरै ६ ओभर खेलेर दुई विकेटको क्षतिमा १२३ रन बनाएको थियो। श्रीलंकाका लागि सन्दुन विराक्कोडीले ५० र कप्तान लिहुरु मधुशंकाले ३१ रन बनाए ।

नेपालका लागि प्रतीश जीसी र नारायण जोशीले १–१ विकेट लिएका थिए ।

जवाफी ब्याटिङमा आएको नेपालले पाँच ओभरमा ८३ रन मात्र बनाउन सफल भयो । नेपालका लागि रशिद खानले सर्वाधिक ५५ रन बनाए पनि जित हासिल गर्न सकेनन् ।

मिती : १७ कार्तिक २०८१, शनिबार १४:५५ बजे प्रकाशित