सुनको मूल्य स्थिर, कतिमा हुँदैछ कारोबार ?

काठमाडौं । नेपाली बजारमा सुनको मूल्य आज पनि स्थिर रहेको छ ।

नेपाल सुनचाँदी व्यवसायी महासंघका अनुसार बिहीबार छापावाल सुनको मूल्य तोलामा १ लाख ४१ हजार ६ सय र तेजाबी सुनको मूल्य प्रतितोला १ लाख ४० हजार ९ रुपैयाँमा कारोबार भएको छ ।
यस अघि बुधबार पनि सुनको मूल्य १ लाख ४१ हजार ६ सय रुपैयाँ नै थियो ।

त्यस्तै, चाँदीको मूल्य घटेको छ । आज चाँदी तोलामा १० रुपैयाँले घटेर १ हजार८२० रुपैयाँमा कारोबार भइरहेको महासंघले जनाएको छ ।