काठमाडौं । खाद्य प्रविधि तथा गुण नियन्त्रण विभागले यशोधा फुड्स प्रालिद्वारा उत्पादित दुई ब्रान्डका चाउचाउ तत्काल बजारबाट फिर्ता गर्न आदेश दिएको छ ।
विभागका अनुसार १०० ग्रामवाला ‘करेन्ट नुडल्स’ र ५० ग्रामको ‘लाली चाउचाउ’ मा सरकारले तोकेको अनिवार्य गुणस्तर मापदण्डअनुसार एक्सट्राक्टेड फ्याटको एसिड भ्यालु नपाइएको पाइएको हो ।
गुणस्तर परीक्षणमा मापदण्ड विपरीत देखिएपछि विभागले दुवै उत्पादन बजारबाट हटाउन निर्देशन दिएको जनाएको छ ।
त्यस्तै एसियन बिस्कुट एण्ड कन्फेक्सनरी प्रालि द्वारा उत्पादित ‘ज्याकन्याक क्रेकर्स बिस्कुट’ पनि गुणस्तरहीन पाइएपछि बजारबाट फिर्ता गर्न आदेश गरिएको विभागले जनाएको छ ।
Artha Sanjal
