काठमाडौं। निर्वाचन प्रक्रिया चलिरहेका बेला बजारमा खाद्य तथा पेय पदार्थमा कालोबजारी भएको, उपभोक्तामाथि ठगी भएको गुनासो बढेको भन्दै वाणिज्य, आपूर्ति तथा उपभोक्ता संरक्षण विभागले थप सक्रियता देखाएको छ।
विभागले अनुमगनको क्रममा कैफियत देखिएपछि जेएस जनरल स्टोर कुलेश्वरलाई १० हजार जरिवाना गरिएको छ। उपभोक्ता संरक्षण ऐन, २०७५ अनुसार सो फर्मलाई कारबाही गरिएको हो।
विभागले एकै दिन २० वटा फर्ममाथि अनुगमन निरीक्षण गरेको थियो। त्यसमध्ये १९ वटा फर्मलाई सुधारात्मक निर्देशन दिइएको छ।
स्थानीय जनप्रतिनिधि, उपभोक्ता अधिकारकर्मी तथा सरोकारवालाको उपस्थितिमा अनुमगन निरीक्षण गरिएको र कैफियत देखिएकालाई कारबाहीको दायरामा ल्याइएको विभागले प्रष्ट पारेको छ।
Artha Sanjal
