काठमाडाैं। पियोर इनर्जी लिमिटेडले वैदेशिक रोजगारीमा गएका नेपालीका लागि खुला गरेको आईपीओमा १२ करोड ५० लाख ५१ हजार रुपैयाँ बराबरको आवेदन परेको छ। सीडीएसका अनुसार, आज (चैत ४ गते) साँझ ५ः०७ बजेसम्म ५४,९८३ जनाले १२ लाख ५० हजार ५१० कित्ताका लागि आवेदन दिएका छन्। जुन मागभन्दा ८.६८ गुणा बढी हो।
कम्पनीले फागुन २० गतेदेखि पहिलो चरणमा वैदेशिक रोजगारीमा रहेका नेपालीका लागि आईपीओ बिक्री खुला गरेको हो । कम्पनीले १ लाख ४४ हजार कित्ता सेयर श्रम स्वीकृति लिई वैदेशिक रोजगारीमा रहेका नेपाली नागरिकको लागि आईपीओ जारी गरेको हो ।
वैदेशिक रोजगारमा रहेका नेपालीले यसमा न्यूनतम १० कित्तादेखि अधिकतममा ७ हजार २०० कित्ता सम्मका लागि आवेदन दिन सकिनेछ । यसमा मंगलबार (चैत ५ गते) सम्म आवेदन दिन सकिनेछ । वैदेशिक रोजगारीमा रहेका नेपालीहरुले सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् ।
