काठमाडौं । प्रहरीको केन्द्रीय अनुसन्धान ब्यूरोले बैंकिङ कसुरसहित १४ मुद्दाका फरार अभियुक्तलाई पक्राउ गरेको छ ।
सीआईबीका अनुसार बूढानीलकण्ठ नगरपालिका–५ का ४७ वर्षीय राजु मिजारलाई पक्राउ गरिएको हो। उनीविरुद्ध १२ वटा बैंकिङ कसुर र २ वटा चेक अनादारसम्बन्धी मुद्दा रहेका छन्।
प्रहरीका अनुसार उनको कुल बिगो २ करोड ५८ लाख ६२ हजार ७१६ रुपैयाँ रहेको छ। साथै ४३ लाख २३ हजार ५४३ रुपैयाँ जरिवाना, १ लाख ७२ हजार ९४१ रुपैयाँ क्षतिपूर्ति र ९० दिन कैद सजाय पनि तोकिएको छ।
फैसला कार्यान्वयनका लागि उनलाई काठमाडौं जिल्ला अदालतमार्फत कारागार पठाइएको छ ।
Artha Sanjal
