आइएमई लाइफ इन्स्योरेन्सको २ करोड ८६ लाख कित्ता शेयरको लकइन अवधि सकिँदै

काठमाडौं । आइएमई लाइफ इन्स्योरेन्सको २ करोड ८६ लाख कित्ता शेयरको लकइन अवधि आगामी असार ३० गतेबाट सकिने भएको छ।

कम्पनीले जारी गरेको सूचना अनुसार संस्थापकको २ करोड ८० लाख कित्ता र कर्मचारीको ६ लाख कित्ता शेयरको लकइन अवधि समाप्त हुन लागेको हो।

कुनै पनि कम्पनीको आइपीओ बाँडफाँट भएको मितिले ३ वर्षसम्म संस्थापक र कर्मचारीको लकइनमा राख्नुपर्ने प्रावधान रहेको छ। सोही प्रावधानबमोजिम यो कम्पनीको संस्थापक र कर्मचारीको शेयर पनि लकइनमा राखिएको हो।

यद्यपि, लकइन अवधि सकिए पनि सञ्चालक तथा कम्पनीको उच्च व्यवस्थापकीय पदमा कार्यरत कर्मचारीहरुको हकमा भने शेयर रोक्का नै रहने कम्पनीले स्पष्ट पारेको छ।