नेपाल राष्ट्र बैंकका कार्यकारी निर्देशकहरुको जिम्मेवारी हेरफेर भएको छ।
आज अर्थात् वैशाख २६ गतेदेखिनै लागु हुने गरि ६ वटा विभागका कार्यकारी निर्देशकहरुको सरुवा गरिएको राष्ट्र बैंकले जनाएको छ ।
जस अनुसार नेपाल रास्ट्रबैंक सुपरिवेक्षण विभागका कार्यकारी निर्देशक देव कुमार ढकाल वित्त व्यवस्थापन विभागमा सरुवा भएका छन् । वित्त व्यवस्थापन विभागका कार्यकारी निर्देशक रामु पौडेललाई सुपरिवेक्षण विभागमा तानिएको छ ।
त्यस्तै, मानव संशाधन विभागका प्रमुख मुकुन्द कुमार क्षेत्री लाई सूचना प्रविधि विभागमा सरुवा गरिएको छ भने सूचना प्रविधि विभागका प्रमुख नरेश शाक्य मानव संशाधनमा विभागमा तानिएको छ ।
त्यस्तै, लघुवित्त सुपरिवेक्षण विभागमा प्रमुख रेवती प्रसाद नेपाललाई आन्तरिक लेखा विभागमा सरुवा गरिएको छ भने आन्तरिक लेखा विभागका प्रमुख बिमलराज खनाल लघुवित्त सुपरिवेक्षण विभागमा तानिएका छन्।
