काठमाडौं । गायिका निरुता खत्री र कृष्ण नाथको नयाँ गीत ‘मेरा बलाता गाउँ’ सार्वजनिक भएको छ । उक्त गीत कृष्ण नाथको शब्द, गायिका खत्री र गायक नाथको संगीत संयोजनमा तयार भएको हो ।

गीतको भिडियो निरुता खत्री अफिसियल युट्युब च्यानलबाट सार्वजनिक गरिएको छ । उक्त गीतमा गायिका खत्री र मोडल जगदिश नाथको अभिनय देख्न सकिन्छ । यस गीतमा रुपा शिलालले निर्देशन र सोनु बिकले छायाङ्कन गरेका हुन् ।

सुदूरपश्चिमको मौलिक कला संस्कृतिलाई जगेर्ना गर्नुका साथै युवा पुस्तालाई समेत देउडामा आकर्षित गराउन आफनो संस्कृति समेट्दा ‘यस गीतमा सुदूरपश्चिमको आफ्नोपन झल्किएको हेर्न सकिन्छ ।

सुदूरपश्चिम क्षेत्रतिरको भाषामा यो गित सिर्जना गरिएको छ । माया प्रेम, समाज, संस्कृति, रहनसहन मात्रै नभई धार्मिक तथा सामाजिक विषयवस्तुको उजागर गर्ने गरी यस गीतको सिर्जना गरिएको छ ।

देउडाबाट सुदूरपश्चिममा चर्चा बटुलेकी गायिका खत्रीले हालसम्म तिन सय भन्दा बढी गीत सार्वजनिक गरिसकेकी छन् ।

हेर्नुहोस गीतको भिडियो –

मिती : १४ मंसिर २०८०, बिहीबार १४:३५ बजे प्रकाशित