काठमाडौं ।  बैंकिङ क्षेत्रमा महत्वपूर्ण मानिने इमर्जिङ एशिया बैंकिङ अवार्ड २०२२ को सम्मान शाइन रेसुङ्गा डेभलपमेन्ट बैंकले प्राप्त गरेको छ। बैंकिङ प्रकृया र नवीनतम वित्तीय सेवाहरूको प्रदानमा अत्याधिक महत्व साथै बेस्ट पर्फमेन्स अन प्रोफिटाबिलिटी र बेस्ट पर्फमेन्स अन ग्रोथ क्याटेगोरिजका आधारमा शाइन रेसुंगा डेभलपमेन्ट बैंक उत्कृष्ट हुँदै अवार्ड प्राप्त गरेको हो ।

बुटवलमा केन्द्रीय कार्यालय रहेको शाइन रेसुङ्गा डेभलपमेण्ट बैंक केहि समय पहिले मात्र राष्ट्रियस्तरको विकास बैंक बनेको हो । ग्रामीणमुखी बैंकिङलाई महत्त्व दिँदै वित्तीय सेवा दिँदै आएको बैंकले क्षेत्रिय स्तरको विकास बैंक मर्जर तथा एक्विजेशन हुँदै राष्ट्रियस्तरको विकास बैंक बनेको हो । बैंकको व्यवस्थापनको नेतृत्व स्थापनाकालदेखि नै प्रकाश पौडेलले गरेका छन् । पौडेलकै नेतृत्वमा बैंक राष्ट्रियस्तरको विकास बैंकमा स्तरोन्नति भएको हो । सिइओ पौडेलको नेतृत्वमा व्यवसायको गुणात्मक तथा परिमाणात्मक दुवै पक्षको विकासमा आक्रामक ढंगले फैलिरहेको शाइन रेसुंगा बैंकले यसपटक भने इमर्जिङ एशिया बैंकिङ अवार्ड प्राप्त गरेको हो । यस अवार्डले शाइन रेसुङ्गा डेभलपमेन्ट बैंकको सफलताका लागि सबैलाई प्रेरणा पुर्ण गरेको छ।

इण्डियन च्याम्बर अफ कमर्सले आह्वान गरेको खुल्ला प्रतिस्पर्धामा भारत, बंगलादेश, भुटान, म्यानमार, श्रीलंका र नेपाल गरी ६ देशका बैंक तथा वित्तीय संस्थाहरुले अवार्डका लागि आवेदन दिएका थिए।

अवार्डका लागि इण्डियन च्याम्बर अफ कमर्सको आर्थिक मामिला तथा नीति विभागले विभिन्न १७ वटा सूचक निर्धारण गरेको थियो। जसमध्ये शाइन रेसुंगाले कुल सम्पत्ति, कुल निक्षेप, कुल कर्जा तथा सापटी, खुद कर्जा तथा सापटी, कुल ब्याज आर्जन, कुल ब्याज खर्च, शुल्कमा आधारित आम्दानी, सञ्चालन खर्च, कर पछिको खुद नाफा, प्रावधान र आकस्मिकता तथा अन्य आम्दानीलगायतका सूचकहरुमा उत्कृष्ट भएको थियो।

यस अवार्डले शाइन रेसुङ्गा डेभलपमेन्ट बैंकको निवेश, आर्थिक संरचना, उत्पाद र सेवाहरूको उत्कृष्टता, बैंकिङ प्रक्रिया र तात्कालिन वित्तीय सेवाहरूका क्षेत्रमा अग्रगामीता र सशक्तता स्थापित गर्न सहयोग गरेको छ। यससँगै, शाइन रेसुङ्गा डेभलपमेन्ट बैंकको अद्यावधिक औद्योगिक वित्तीय सेवाहरू, तात्कालिन अनुदानको उपलब्धता, र पूर्वाधारमा जानेका सूचनाहरूको शुद्धता पनि बढाउने गरेको थियो।

बैंकले गत वर्ष न्यू विजनेस एज प्रालिले आयोजना गरेको प्रतिस्पर्धामा बेस्ट म्यानेज्ड डेभलपमेन्ट बैंक अवार्ड जितेको थियो।

शाइन रेसुंगा डेभलपमेन्ट बैंक बुटवलमा केन्द्रीय कार्यालय रहेको लुम्बिनी प्रदेशको एक मात्र राष्ट्रिय स्तरको विकास बैंक हो। ५ अर्ब ३९ करोड अधिकृत पुँजी र ४ अर्ब २८ करोड चुक्ता पुँजी भएको बैंकका देशभर ८८ वटा शाखा, एउटा एक्सटेन्सन काउन्टर र १६ वटा एटीएम सञ्चालनमा छन्।

मिती : २५ असार २०८०, सोमबार १४:२६ बजे प्रकाशित