काठमाडौं । प्रतिनिधि सभा बैठक आज पनि बस्ने भएको छ । प्रधानमन्त्री पुष्पकमल दाहालले शनिबार बस्ने प्रतिनिधिसभाको बैठकमा नीति तथा कार्यक्रममाथि उठेका प्रश्नको जवाफ दिने कार्यसूची छ ।
बैठकको सुरुमा वार्षिक नीति तथा कार्यक्रममाथि छलफल हुने र त्यसपछि प्रधानमन्त्री दाहालले जवाफ दिने कार्यक्रम छ । त्यसपछि नीति तथा कार्यक्रममाथि परेका संशोधन प्रस्तावहरूलाई निर्णयार्थ पेश गरिने छ ।
शुक्रबार बिहान ११ बजेको लागि बोलाइएको बैठकमा एमालेले रोष्ट्रम घेरेपछि २० मिनेटको लागि स्थगित भएको थियो। स्थगित बैठक ३ बजे बस्ने सूचना जारी गरियो ३ बजे पनि बैठक बस्न सकेन। त्यसपछि बैठक आज दिउँसो ४ बजे बस्ने तय भएको हो ।
गत बुधबार माओवादी केन्द्रका सांसद लेखनाथ दाहालले प्रतिनिधिसभाको बैठकमा तत्कालीन प्रधानमन्त्री केपी शर्मा ओली नेतृत्वको सरकारले पशुपतिनाथ मन्दिरमा सुनको जलहरीका नाममा पित्तल लगाएको अभिव्यक्ति दिएपछि त्यसको विरोधमा एमालेले शुक्रबार बैठक अवरुद्ध गरेको हो।
अर्थ सन्जाल