काठमाण्डौ । सेयर बजार आज  बुधबार पनि उकालो लागेको छ ।

बजार आज नेप्से परिसूचक १६.४९ अंकले बढेर १९५९.१२ को विन्दुमा उक्लिएको छ । त्यसैगरी, ठूला तथा बलिया कम्पनीको मापन गर्ने सेन्सेटिभ परिसूचक पनि ३.५८ अंकले बढेर ३७१.३१ को विन्दुमा पुगेको छ। कारोबार रकम भने हिजोको तुलनामा घटेर १ अर्ब ८७ करोड रुपैयाँ बढी भएको छ।

आज नेप्से सूचीकृतमध्ये २७० कम्पनीका ४८ लाख ६५ हजार ४७५ कित्ता सेयर १ अर्ब ८७ करोड ३० लाख १८ हजार २४ रुपैयाँमा किनबेच भएका छन् । आज नेप्से उपसमूहमा रहेका १३ वटा समूहमध्ये १० वटामा हरियाली छाएको छ भने ३ वटामा रातो पोतिएको छ।

यो दिन उत्पादन तथा प्रशोधन समूह सर्वाधिक ४.६९ प्रतिशतले उकालो लागेको छ । होटेल तथा पर्यटन समूह ४.४७ प्रतिशतले बढ्दा बैंकिङ समूहमा ०.१७ प्रतिशत, विकास बैंक समूहमा ०.०१ प्रतिशत, लगानी समूहमा ०.५१ प्रतिशत, जीवन बीमा समूहमा १.२० प्रतिशत, लघुवित्त समूहमा २.१८ प्रतिशत, निर्जीवन बीमा समूहमा १.२९ प्रतिशत, अन्य समूहमा १.५३ प्रतिशत र व्यापार समूहमा १.६० प्रतिशतको बढोत्तरी भएको छ।

आज वित्त समूह सर्वाधिक ०.४५ प्रतिशतले ओरालो लागेको छ। जलविद्युत समूह ०.३१ प्रतिशतले घट्दा आउँदा म्युचुअल फन्ड समूहमा ०.२१ प्रतिशतको गिरावट आएको छ।

आज  शिवम सिमेन्टको सर्वाधिक १४ करोड ६४ लाख रुपैयाँ बढीको कारोबार भएको छ।

नेसनल लाइफ इन्स्योरेन्स, हिमालयन डिस्टिलरी, सोल्टी होटेल, ओरियन्टल होटेलको होटेल्स, नेपाल टेलिकम, नेष्डो समृद्ध लघुवित्त, एभरेस्ट बैंक, तारागाउँ रिजेन्सी होटेल र नेपाल पुनर्बीमा कम्पनीको सर्वाधिक कारोबार भएको छ ।

मिती : १० जेष्ठ २०८०, बुधबार १५:४९ बजे प्रकाशित