शिवम् सिमेन्टले अहिलेसम्म कै सर्वाधिक उच्च २९ प्रतिशत नगद लाभांश दिने निर्णय गरेको छ। सोहि निर्णय अनुरुप कम्पनीले अनुमोदनका लागि आगामी कात्तिक १६ गते कम्पनीको साधारण सभा हुने भएको छ । कम्पनीले अघि सारेको प्रस्ताव सभाले अनुमोदन गर्यो भने चुक्ता पुँजीको २९ प्रतिशत नगद लाभांश बाँड्ने कम्पनीको योजना कार्यान्वयनमा आउने छ।
हाल शिवम् सिमेन्टको चुक्ता पुँजी ४ अर्ब ४० करोड रुपैयाँ छ। यदि कार्तिक १६ मा बस्ने कम्पनीको साधारण सभाले प्रस्तावित लाभांश अनुमोदन गर्यो भने सो कम्पनीले एक अर्ब २७ करोड ६० लाख रुपैयाँ वितरण गर्ने छ । गत वर्ष कम्पनीले १ अर्ब ६ करोड ५२ लाख ४० हजार रुपैयाँ बराबरको नगद लाभांश वितरण गरेको हो ।
