लुम्बिनी जनरल इन्स्योरेन्स कम्पनी लिमिटेडको लाभांश संशोधन भएको छ । नेपाल बीमा प्राधिकरणको निर्देशनमा कम्पनीले आर्थिक वर्ष २०७८–७९का लागि प्रस्ताव गरेको लाभांश संशोधन गरेको हो।

कम्पनी सञ्चालक समितिको मंगलबार (माघ १० गते) बसेको बैठकले प्रस्तावित लाभांश संशोधन गर्दै अब चुक्तापुँजीको कुल ७.३५७९ प्रतिशत लाभांश वितरण गर्ने निर्णय गरेको छ। जसमा ६.९९ प्रतिशत बोनस सेयर र कर प्रयोजनार्थ ०.३६७९ नगद लाभांश छन्।

यसअघि गत पुस १३ गते बसेको कम्पनी सञ्चालक समितिको बैठकले चुक्तापुँजीको ७ प्रतिशत बोनस सेयर र कर प्रयोजनार्थ ०.३५ प्रतिशत नगद लाभांश वितरण गर्ने निर्णय गर्दै स्वीकृतिका लागि बीमा प्राधिकरण पठाएको थियो।

अब कम्पनीको आगामी वार्षिक साधारणसभाबाट लाभांश अनुमोदन भएपछि सेयरधनीहरुले पाउनेछन्।

मिती : ११ माघ २०७९, बुधबार ११:०१ बजे प्रकाशित