अपि पावर कम्पनीले लिमिटेडले चुक्तापुँजीको ४० प्रतिशत हकप्रद सेयर जारी गर्ने भएको छ। कम्पनीले गत आर्थिक वर्षका लागि प्रस्तावित ७.५ प्रतिशतले हुन आउने बोनस सेयर वितरण कायम हुने चुक्तापुँजी ४ अर्ब १३ करोड ३२ लाख ८४ हजार २११.६९ रुपैयाँको ४० प्रतिशत अर्थात १:०.४० को अनुपात हकप्रद सेयर जारी गर्ने निर्णय गरेको हो ।
जसअनुसार कम्पनीले १०० अंकित दरका कुल १ करोड ६५ लाख ३३ हजार १३७ कित्ता हकप्रद निष्काशन गर्नेछ ।
कम्पनीले सञ्चालन गरी विद्युत उत्पादन गरिरहेका आयोजनाहरुको ऋणमोचन गर्न यो हकप्रद जारी गर्ने निर्णय गरिएको जनाएको छ । यसका लागि विद्युत नियमन आयोगबाट स्वीकृति लिई आगामी १९ औँ वार्षिक साधारणसभाबाट पारित गर्ने कम्पनीले जनाएको छ।
त्यसपछि हकप्रद सेयर निष्काशनका लागि नेपाल धितोपत्र बोर्डमा निवेदन दिइने र त्यहाँबाट अनुमति पाएपछि मात्रै हकप्रद जारी गरिने कम्पनीले जनाएको छ।
अर्थ सन्जाल