प्रभु बैंकले साधारणसभामा केही सेयरधनीहरुलाई एजिएम भत्तास्वरुप घुस दिएको रहस्य खुलेको छ । पुस १४ गते सम्पन्न २१औँ वार्षिक साधारणसभामा केही सेयरधनीहरुलाई ४ हजारदेखि १० हजार रुपैयाँसम्म भत्ता दिएको खुलेको हो ।

बैंकले सभामा आफ्नो पक्षमा माहोल सृजना गरिदिन भन्दै सेयरधनीलाई एजिएम भत्तास्वरुप घुस दिएको पाइएको हो ।

बैंकले धेरै सेयरधनीलाई सभा हुनुभन्दा अघिल्लो दिन बैंकका कम्पनी सचिव अमित भण्डारीले रकम वितरण गरेको एक सेयरधनीले बताएका छन् ।

बैंकको २१औं वार्षिक साधारसभामा १५ जना सेयरधनीले आफ्नो धारण राखेका थिए । उनीहरुमध्ये सबैलाई पैसा नदिएको श्रोतको भनाई छ । बोल्नबाट रोक्नका लागि पनि केहीलाई रकम दिएको बैंक श्रोतले जनाएको छ । यस बिषयमा कुरा गर्न बैंकका प्रमुख कार्यकारी अधिकृत अशोक शेरचनलाई पटक पटक फोन पनि सम्पर्क गर्दा उनको फोन उठेन

अहिले प्रभु र सेञ्चुरी  बैंकबीच एक बराबर  अनुपातमा मर्ज भएको छ । मर्जरपछि बैंकको प्रमुख कार्यकारी अधिकृत (सीइओ)मा प्रभु बैंकका अशोक शेरचन र डेपुटी सीइओमा सेञ्चुरी बैंकका सीइओ मनोज न्यौपाने रहेका छन् । प्रभु बैंकको चुक्ता पुँजी १२ अर्ब ७० करोड छ भने सेञ्चुरी बैंकको चुक्ता पुँजी नौ अर्ब ५५ करोड छ। ।

मिती : २८ पुष २०७९, बिहीबार १८:०९ बजे प्रकाशित